% sanskrit itrans
                     shriigaNeshastotra
     
     shriigaNeshaaya namaH . naarada uvaacha .
     
     praNamya shirasaa devaM gauriiputraM vinaayakam.h .
     bhak{}taavaasaM smarenityaM aayuHkaamaarthasiddhaye .. 1..
     
     prathamaM vakratuNDaM cha ekadantaM dvitiiyakam.h .
     tR^itiiyaM kR^ishhNapiN^gaakshaM gajavak{}traM chaturthakam.h .. 2..
     
     lambodaraM paJN{}chamaM cha shhashhThaM vikaTameva cha .
     sap{}tamaM vigh{}naraajendraM dhuumravarNaM tathaashhTamam.h .. 3..
     
     navamaM bhaalachandraM cha dashamaM tu vinaayakam.h .
     ekaadashaM gaNapatiM dvaadashaM tu gajaananam.h .. 4..
     
     dvaadashaitaani naamaani trisa.ndhyaM yaH paThennaraH .
     na cha vigh{}nabhayaM tasya sarvasiddhikaraH prabhuH .. 5..
     
     vidyaarthii labhate vidyaaM dhanaarthii labhate dhanam.h .
     putraarthii labhate putraanmokshaarthii labhate gatim.h .. 6..
     
     japedgaNapatistotraM shhaD.hbhirmaasaiH phalaM labhet.h .
     sa.nvatsareNa siddhiM cha labhate naatra sa.nshayaH .. 7..
     
     ashhTebhyo braahmaNebhyashcha likhitvaa yaH samarpayet.h .
     tasya vidyaa bhavetsarvaa gaNeshasya prasaadataH .. 8..
     
     .. iti shriinaaradapuraaNe sa.nkaTanaashanaM gaNeshastotraM saMpuurNam.h..